16-18 верасня ў Мадрыдзе
пройдзе Кангрэс нацыянальных кіраўнікоў душпастырства студэнтаў. У форуме, арганізаваным
Радай Канферэнцый Біскупаў Еўропы, прыме ўдзел каля 40 дэлегатаў біскупскіх канферэнцый.
Сустрэча будзе праходзіць пад лозунгам: “Душпастырства студэнтаў у служэнні новай
евангелізацыі”. Яна прымеркавана да ХІІІ пленарнай сесіі Сіноду Біскупаў, якая пройдзе
ў Ватыкане 7-28 кастрычніка 2012 г.і будзе прысвечаны тэме новай евангелізацыі.
У
форуме прыме ўдзел арцыбіскуп Нікола Этэравіч, Генеральны сакратар Сіноду Біскупаў
і кс. прэлат Сэрджо Ланца, тэолаг з каталіцкага ўніверсітэта “Sacro Cuore” у Мілане.
Падчас
кангрэса яго ўдзельнікі пазнаёмяцца з душпастырствам студэнтаў у розных краінах і
абмяркуюць прапановы супрацоўніцтва на еўрапейскім узроўні ў святле нядаўніх Сусветных
Дзён Моладзі, якія прайшлі ў Мадрыдзе 16-21 жніўня 2011 г. і Еўрапейскага кангрэса
душпастырства студэнтаў, які прайшоў у Мюнхене з 27 па 30 студзеня.