இசைக் கலைஞர்களின் கேட்கும் திறன் அதிக ஆண்டுகள் நீடிக்கின்றது - கனடாவில் வெளியான ஆய்வு

செப்.13,2011. இசைக்கருவிகளை இசைப்பவர்களின் கேட்கும் திறன் மற்றவர்களின் கேட்கும் திறனை விட அதிக ஆண்டுகள் நீடிக்கின்றது என்று கனடாவில் வெளியான ஓர் ஆய்வு தெரிவிக்கிறது.
வயதாகும் போது நிகழும் மாற்றங்களையும் மன நலத்தையும் இணைத்து மேற்கொள்ளப்பட்ட இந்த ஆய்வில், இசைக்கருவிகள் இசைக்கும் 74 பேரிடமும், இசைக்கருவிகள் இசைக்காத 89 பேரிடமும் ஆய்வுகள் நடத்தப்பட்டன.
70 வயதான இசைக் கலைஞரின் கேட்கும் திறன், இசைக் கலையற்ற 50 வயதுடையோரின் கேட்கும் திறனை ஒத்திருந்ததென இந்த ஆய்வின் முடிவில் கண்டுபிடிக்கப்பட்டுள்ளது.
பொதுவாக மனிதர்களுக்கு 60 வயது தொடங்கி கேட்கும் திறன் குறைந்து வரும். அவர்கள் 80 வயதை அடையும்போது அவர்களது கேட்கும் திறன் 60 விழுக்காடு குறைந்து விடும்.
Toronto நகரின் Rotman Research Institute என்ற ஆய்வு மையம் 18 வயது முதல் 91 வயதுக்கு இடைப்பட்டோரிடையே நடத்திய இந்த ஆய்வின் முடிவில், இசைக் கருவிகள் இசைப்போரின் கேட்கும் திறன் பெரும்பாலும் நல்ல நிலையில் உள்ளதென்று கண்டுபிடிக்கப்பட்டுள்ளது.