12 верасня ў Рыме
прайшла сустрэча Арганізацыі па бяспецы і супрацоўніцтву ў Еўропе (АБСЕ), прысвечаная
дыскрымінацыі хрысціян у свеце. У ёй прынялі ўдзел каля 150 прадстаўнікоў 56 краін,
рэлігійных супольнасцяў і недзяржаўных арганізацый. У працах форума прынялі ўдзел
таксама арцыбіскуп Дамінік Мамбэрці, Сакратар па адносінах з дзяржавамі Дзяржаўнага
Сакратарыята Апостальскай Сталіцы і Мітрапаліт Іларыён, Кіраўнік Аддзела знешніх царкоўных
сувязаў Маскоўскага Патрыярхата.
Масімо Інтровінэ, прадстаўнік камісіі АБСЕ
па барацьбе з расізмам, ксенафобіяй, дыскрымінацыямі і нецярпімасцю ў адносінах да
хрысціян і прадстаўнікоў іншых рэлігій звярнуў увагу на павялічэнне пераследу хрысціян
ў еўрапейскіх краінах. Ён прывёў прыклады нападаў на святароў і месцы культу. “У Вялікабрытаніі
частымі з’яўляюцца напады на пратэстантаў, якія прапаведваюць на вуліцах. У Францыі,
паводле інфармацыі мясцовай жандармерыі, кожны другі дзень вандалы наносяць пашкоджанні
каталіцкім касцёлам ці могілкам”, - расказаў Масімо Інтровінэ.
Падчас мерапрыемства
удзельнікі узгадалі аб італьянскай законніцы Лаўры Майнеті, забітай сатаністамі ў
2000 г., і працэс беатыфікацыі якой нядаўна пачаўся.
Плёнам рымскай сустрэчы
павінна стаць стварэнне міжнароднай базы дадзеных аб фактах дыскрымінацыі хрысціян,
з мэтай спрыяць супрацоўніцтву паміж паліцыяй і ўладамі краін АБСЕ, інфармавання грамадстваў
аб гэтай з’яўве.
Злачынствы здзейсненыя з нянавісці да хрысціян, першы раз
былі прызнаны, прававой і гуманітарнай праблемай на такой вялікай міжнароднай сустрэчы.