Польшча: біскупы заклікаюць да разважання аб сэнсе адукацыі
“Спрыяць поўнаму і
інтэгральнаму развіццю асобы”: так гучыць тэма “Тыдня для адукацыі”, які прыходзіць
12-18 верасня па ініцыятыве Канферэнцыі Біскупаў Польшчы. “Тыдзень для адукацыі” мае
на мэце звярнуць увагу грамадства і сем’яў на розныя аспекты адукацыйнага працэса,
а таксама з’яўляецца заклікам да малітвы ў інтэнцыі развіцця “па-сапраўднаму хрысціянскай
адукацыі”. У Польшчы існуе каля 540 каталіцкіх школ у якіх з 1 верасня пачаліся заняткі.
Згодна з даследваннямі 2010 г. у іх навучаецца каля 57 тыс. вучняў.
У спецыяльным
пасланні члены епіскапата звяртаюць увагу на абавязак бацькоў клапаціцца аб адукацыі
іх дзяцей, “не пакідаць іх адных, але памятаць, якую дапамогу ім могуць аказаць школы
і Касцёл”. Біскупы нагадваюць, што быць настаўнікам сёння, г.зн., навучаць і выхоўваць,
гэта вялікае заданне, якое заключаецца ў тым, каб весці моладзь “насуперак плыні”.
Мэта педагогікі, ў тым, каб “памясціць Бога ў сэрца дзіцяці і перадаць моладзі фундамент,
які застанецца назаўсёды і не зможа быць знішчаны жыццёвымі абставінамі”, пішуць польскія
каталіцкія іерархі.