Парыж: форум па бяспецы журналістаў

На працягу апошняга дзесяцігоддзя ў свеце загінула больш за 500 журналістаў і супрацоўнікаў СМІ. Гэтай сур’ёзнай праблеме прысвечана сустрэча, якая праходзіць 13-15 верасня ў Парыжы па ініцыятыве ЮНЕСКА. У ёй прымаюць удзел прадстаўнікі міжнародных арганізацый, прафесійных асацыяцый, эксперты па пытанням бяспекі журналістаў.

Удзельнікі форума абмяркоўваюць пытанні звязаныя з бяспекай работнікаў СМІ: факты запалохванняў, затрыманняў і незаконных арыштаў, частых забойстваў журналістаў падчас выканання службовых абавязкаў. Сёння ўдзельнікі сустрэчы абмяркоўваюць моцныя і слабыя бакі існуючых у свеце юрыдычных міжнародных нормаў, а таксама выклікі, якія стаяць у гэтай сферы перад ААН. 14 верасня ўдзельнікі мерапрыемства паспрабуюць распрацаваць сумесную праграму дзеянняў перад абліччам існуючай праблемы.

У адкрыцці сустрэчы прынялі ўдзел Рагу Менон, старшыня Міжнароднай праграмы ЮНЕСКА па развіцці камунікацыі і Ірына Бокава, генеральны дырэктар гэтай арганізацыі ААН. Удзельнікі форума таксама пазнаёміліся са спецыяльным відэазваротам, які да іх скіраваў Наві Пілай, Вышэйшы камісар ААН па правах чалавека.