У мінулых праграмах
мы пачалі знаёміцца з жыццём і філасофскай спадчынай выдатнага філосафа ХХ ст. Жака
Марытэна. Яго тэорыі аказалі вельмі вялікі ўплыў на ўсю сучасную каталіцкую думку,
і сацыяльнае навучанне Касцёла не з’яўляецца тут выключеннем. Менавіта таму я лічу
будзе цікава глыбей пазнаёміцца з яго філасофіяй.
Ітак. Паважаныя радыёслухачы,
я прапаную пачаць наша знаёмства з найбольш сістэматызаванай працай французскага філосафа,
якая называецца “Чалавек і дзяржава”. У ёй Жак Марытэн прадстаўляе сваё бачанне народа,
дзяржавы, суверынетэта, сродкаў з дапамогай, якіх ажыцяўляецца палітычнае жыццё, дэмакратыі,
ролі Касцёла ў гэтай сферы.
У сённяшняй праграме мы паспрабуем разабрацца з
некаторымі паняццямі, якія дапамогуць нам зразумець сутнасць адносін паміж народам
і дзяржавай. На пачатку сваёй кнігі Жак Марытэн адзначае, што няма больш няўдзячнай
працы чым спрабаваць з дапамогай розума адрозніць і размежаваць агульныя паняцці,
якія узніклі ў чалавечай гісторыі з практычных патрэбаў і напоўнены шматлікімі адценкамі
сацыяльнага, культурнага і гістарычнага характара. Такія паняцці заўсёды змяняюцца,
яны то ужываюцца як сінонімы, то супрацьпастаўляюцца адзін аднаму. Кожны чалавек іх
выкарыстоўвае з тым большай лёгкасцю, чым меньш аб іх ведае. Але калі вырашаеш гэтыя
паняцці адзяліць адно ад другога ўзнікаюць цяжкасці.
Да такіх паняццяў Жак
Марытэн адносіць паняцці нацыі, палітычнага грамадства і дзяржавы. Што ж хаваецца
за імі? Якое значэнне яны маюць? На гэтыя пытанні мы паспрабуем адказаць разам з вялікімі
французскім філосафам.
Калі мы размаўляем ў штодзённым жыцці, то няма нічога
злога ў тым, што мы ужываем паняцці нацыя, палітычнае грамадства і дзяржава ў якасці
сінонімаў. Але што тычыцца іх сацыялагічнага і палітычнага сэнса, то іх трэба вельмі
ясна адрозніваць. Менавіта злучэнне гэтых паняццяў, на думку Марытэна, стала праклёнам
сучаснай гісторыі.
Жак Марытэн пачынае свой вельмі педантычны і дасканалы
аналіз з пошуку адметнасці паміж двума вельмі падобнымі паняццямі - супольнасцю і
грамадствам. Ён адзначае, што хоць яны і вельмі падобны, аднак неабходна ведаць, што
яны адрозныя па сваёй прыродзе. Як супольнасць так і грамадства, з’яўляюцца этыка-сацыяльнымі
і па-сапраўднаму чалавечымі рэаліямі, а не проста біялагічнымі. Аднак супольнасць,
у большай ступені звязана з прыродай і біялагічным, у той час, як грамадства адносіцца
да твораў розума, да разумных і духоўных здольнасцяў чалавека. Іх унутраная і сацыяльная
сутнасць і характарыстыкі, як і сфера ўжывання, не супадаюць.
Каб зразумець
адметнасць паміж імі Жак Марытэн заклікае узгадаць, што грамадскае жыццё заўсёды аб’ядноўвае
людзей вакол якога-небудзь агульнага аб’екта, матэрыяльнага ці духоўнага. Менавіта
вакол яго пераплятаюцца міжчалавечыя адносіны.
У супольнасці, аб’ект з’яўляецца
даннасцю. Ён ёсць і ніхто на яго не звяртае ўвагу. Гэты супольны аб’ект для супольнасці
дзейнічае незалежна ад яе, ствараючы агульныя пачуцці, агульны неасэнсаваны дух і
псіхалагічныя структуры і многае іншае.
У грамадстве аб’ект з’яўляецца задачай,
якую трэба выканаць. Гэта мэта, якую трэба дасягнуць. Гэта мэта існуе незалежна ад
установак людзей і волі народа. Мэце папярэднічае згода паміж людзьмі. Такім чынам
ў грамадстве дамінуе аб’ектыўнасць і рацыянальнасць. Камерцыйнае прадпрыемства, прафсаюз,
навуковае таварыства з’яўляюцца грамадствамі, у той самай ступені, як і палітычнае
грамадства. Рэгіянальныя, этнічныя, моўныя групы, грамадскія класы з’яўляюцца супольнасцямі.
Племя і клан, гэты тыя супольнасці, які падрыхтоўваць глебу для палітычнага грамадства.
Супольнасць, гэта прадукт інстынкта і спадчына канкрэтных умоў і гістарычных структур;
у той час як грамадства, гэта плён розума і маральнай сілы (таго, што ў антычнасці
называлі “цнота”).
Яшчэ адной адметнай рысай, якая адрознівае супольнасць,
з’яўляецца дамінаванне калектыўных формаў успрыняцця, калектыўная свядомасць, якая
дамінуе над індывідуальнай. У грамадстве наадварот, чалавек захоўвае сваю аўтаномію.
Грамадскія адносіны паходзяць з канкрэтнай ініцыятывы, канкрэтнай ідэі і дабраахвотнага
рашэння асобаў.
Жак Марытэн падкрэслівае, што нават у такі натуральных грамадствах,
як сямейнае і палітычнае, дамінуе чалавечая свабода. А ў супольнасцях, няхай нават,
якая сфарміравалася вакол прамысловага ці камерцыйнага грамадсвта, прысутнічае адаптацыя
чалавека да сітуацыі. Існуюць пэўныя формы паводзінаў, якія праяўляюць сябе як прадвызначанасць.
У грамадстве, прымус зыходзіць з закона, рацыянальных прадпісанняў, або ідэі агульнай
мэты. У грамадстве, неабходна існаванне індывідуальнага сумлення і свабоды, якія даюць
магчымасць свабодна падпарадкоўвацца закону.
Ітак дарагія сябры, мы разабраліся,
што паняцці супольнасці і грамадства маюць розную сутнасць. У наступных праграмах,
працягваючы знаёмства з кнігай Жака Марытэна “Чалавек і дзяржава” мы паспрабуем разабрацца,
чым з’яўляецца нацыя, палітычнае грамадсвта і дзяржава.