Негледзячы на пастаянныя
пагрозы, у Пакістане адбудзецца адкрыццё двух новых школ для хрысціян. Гэта стала
магчыма дзякуючы намаганням фонда “Масіх”, арганізацыі, якая займаецца абаронай правоў
хрысціян у гэтай краіне.
Адна з школ будзе адкрыта ў Куецце, у правінцыі Белушыстан.
Яе будуць наведваць каля 450 вучняў, як хрысціянскага, так і мусульманскага веравызнання.
Другая школа пачне дзейнічаць у так званай “Французскай калоніі” ў Ісламабадзе, раёне
дзе, у стане крайняй беднасці, пражываюць каля 600 хрысціянскіх сямей. Жыхары гэтага
раёна згодна з традыцыйнай каставай сістэмай адносяцца да “недатыкальных”.
“Мы
хочам сканцэнтраваць усе нашы намаганні на адукацыі – вельмі важнай справе, праз якую
можна ўплываць на выхаванне моладзі, для таго, каб змяніць ментальнасць грамадства,
у якім усё часцей за кошт моладзі папаўняюцца шэрагі ісламскіх экстрэмістаў і тэрарыстаў.
Многія арганізацыі праз адукацыю і выхаванне, нажаль, маніпуліруюць, свядомасцю маладых
людзей і скіроўваюць іх да радыкалізма”, - адзначыў у інтэрв’ю агенству “Fides”, дырэктар
фонда “Масіх” Харун Баркат Масіх.
Фонд таксама пачаў кампанію пад назвай “Падтрымай
выкладчыка”, праз якую араганізатары заклікаюць ахвяроўваць грошы, якія пойдуць на
аплату працы настаўнікаў у школах для хрысціян. “Наша задача, даць насельніцтву альтэрнатыву
– стварыць месца, у якім будуць вучыць чалавечым каштоўнасцям, павазе да іншых, годнасці
і сакральнасці асобы, любові да жыцця і мірнаму суіснаванню”, - адзначыў Масіх.