8 սեպտեմբերէն սկսեալ Հայր Անթոնիօ Սբատարոն նշանակուած է որպէս <<Չիվիլթա Գաթթոլիքա>>
Յիսուսեան Միաբանութեան Պարբերաթերթի նոր Տնօրէն ։ Ան կը յաջորդէ հայր Ճանբաոլօ Սալվինիին
որ 1985 ի վեր ստանցնած էր պարբերաթերթի պատասխանատուութիւնը։ Նշենք որ <<Չիվիլթա Գաթթոլիքա>>ն
հիմնուած է 1850ին եւ Իտալիոյ ամէնահին Պարբերաթերթն է ու կը պատկանի Յիսուսեան միաբանութեան։
Նոր տնօրէն հայր Սբատարօն ծնած է Իտալիոյ Սիկիլիայ նահանգի Մէսսինա քաղաքը 1966ին։ Քահանայ
ձեռնադրուած 1996 ի դեկտեմբեր 21ին։ Ան Պարբերաթերթի հետ կը համագործակցեր 1994 ի վեր։
<<Չիվիլթա Գաթթոլիքա>> պարբերաթերթը կը հրատարակուի իտալերէն լեզուով ամիսը երկու անգամ
(ամսուայ առաջին ու երրորդ շաբաթ օրը) ու անոր յօդուածներու պարունակութիւնները ընդհանրապէս
կ՛անդրադառնան մարդու կեանքի` ընկերութեան ու Եկեղեցւոյ կարեւոր հարցերուն մասին ինչպէս
նաեւ կը շօշափէ աստուածաբանական, փիլիսոփայական, բարոյական, ընկերային, քաղաքական եւ
մշակութային նիւթեր։