“За два дні візіта
ў Косава, я змог пабачыць вельмі жывы Касцёл, які карыстаецца вялікай павагай”, -
сказаў арцыбіскуп Юліуш Янаш, Апостальскі нунцый ў Славеніі, пасля свайго візіта ў
новую балканскую краіну. 5 верасня, ва ўспамін бл. Маці Тэрэзы з Калькуты, іерарх
узначаліў св. Імшу, якая адбылася ў санктуарыі ёй прысвечаным ў цэнтры Прышціны, сталіцы
Косава.
Бацькі Маці Тэрэзы, албанцы, паходзілі менавіта з гэтай краіны, таму
успамін благаслаўлёнай тут перажываецца не толькі католікамі, але і прадстаўнікамі
іншых рэлігій. Перад успамінам Маці Тэрэзы з Калькуты у Прышціне прайшло трохдзённае
малітоўнае чуванне, падчас якога вернікі маліліся за хворых, дзяцей і моладзь. “Косава,
негледзячы на тое, што з’яўляецца новай дзяржавай, не з’яўляецца зямлёй, якая нікому
не належыць, якая не мае гісторыі, традыцый і каштоўнасцяў. Гэта зямля адзначана хрысціянскай
прысутнасцю, якая супрацьстаяла розным гістарычным акалічнасцям, такім як гады камунізма
і вайна. Касцёл у Косава, мае свае карані, у першых стагоддзях хрысціянства”, - расказаў
арцыбіскуп Янаш.
Іерарх адзначыў, што грамадзянская супольнасць краіны, чакае
ад Каталіцкага Касцёла сведчання веры і любові, а таксама удзелу у працэсе дэмакратызацыі,
адукацыі, у сацыяльным і эканамічным развіцці.