''Sa më afër të jetë Serbia me Evropën, aq më të mëdha janë mundësitë për Kosovën''.
Kështu u shpreh me pak fjalë ministri i Jashtëm italian, Franco Frattini, sot gjatë
një takimi me homologun e tij nga kosovar, Enver Hoxhaj, në ministrinë e jashtme italiane
në Romë, Farnesina. ''Mendimi ynë është që Serbia duhet ë inkurajohet më tej me
njohjen e statusit të vendit kandidat për anëtarësim në BE brenda këtij viti. Atëherë
do të mund ti kërkojmë diçka për më tepër sepse pasi të ketë fituar statusin e kandidatit
do të duhet të tregojë një ndërgjegjësim dhe përgjegjësi më të madhe e këndej Evropa
do të mund të ndihmojë të dyja Vendet'', shpjegoi ministri Frattini. ''Ka ardhur
koha për përfshirjen e plotë të Kosovës në të gjitha iniciativat që e afrojnë atë
më tepër me BE-në – nënvizoi ministri Frattini - e është e nevojshme t’i përcjellët
popullsisë së këtij vendi një mesazhi konkret, i qartë dhe i fortë për të mbështetur
udhën drejt Evropës, sepse Evropa nuk është vetëm një demokraci, por edhe liri veprimtarie
ekonomike, qarkullim i lirë i njerëzve dhe i mallrave'', tha akoma kreu i diplomacisë
italiane.