Кіраўнік Залі Друку
Апостальскай Сталіцы і дырэктар Ватыканскага радыё кс. Фэдэрыко Ламбардзі, у сённяшнім
разважанні ў рубрыцы “Octava Dies”, прапануе ўзгадаць аб Сусветных днях моладзі, якія
прайшлі ў Мадрыдзе.
Кс. Ламбардзі, падкрэслівае, што кульмінацыйным момантам
моладзевага форума стала сустрэча Папы з вернікамі на тэрыторыі аэрапорта “Cuatro
Ventos” і заключная св. Імша. У сувязі з гэтым святар заклікае больш глыбока паразважаць
аб адносінах моладзі і Касцёла з Езусам Хрыстом прысутным у Эўхарыстыі.
“З
Сусветных дзён моладзі ў Кёльне, якія прахозілі ў 2005 г., эўхарыстычная адарацыя
займае цэнтральнае месца ў малітоўнай вігіліі. - кажа кс. Ламбардзі. “Малітва ў абсалютнай
цішыні, якую ўтвараюць тысячы маладых людзей, дапамагае Касцёлу адкрыць важнасць эўхарастычнай
адарацыі, аб каштоўнасці якой сёння многія забываюць. Стаяць ў цішыні перад Езусам:
так можна пачаць слухаць і размаўляць з ім, умацоўваць і паглыбляць сваё адзінства
з Хрыстом”, - адзначае дырэктар Ватыканскага радыё.
Кс. Ламбардзі, расказаў,
што падчас заключнай св. Імшы, вялікая колькасць моладзі, з незалежных ад арганізатараў
прычын, не змагла прыняць святую Камунію. У гэтым кантэксце святар прыгадаў словы
Бэнэдыкта XVI аб тым, што нават калі няма магчымасці прыняць сакрамэнт святой Камуніі,
удзел у св. Імшы застаецца неабходным, каштоўным, дзейсным і плённым. “У гэтых умовах
неабходна ўзбудзіць у сябе жаданне поўнага адзінства з Хрыстом”, як кажа вельмі старажытная
і прыгожая традыцыя - “жадаць духоўнага адзінства”, - адзначыў кіраўнік Залі Друку
Апостальскай Сталіцы. “Жаданне адзінства з Ім, само па сабе з’яўляецца крыніцай адзінства”,
- падкрэсліў святар. “Гэта вельмі важнае слова надзеі і салідарнасці з тымі, хто з
розных прычын (практычных, або звязаных з станам сямейнага жыцця), не можа сёння прымаць
сакрамэнт святой Камуніі. Гэта вялікае пазітыўнае пасланне непрадбачанага эўхарыстычнага
посту для міліёна маладых людзей, якія прысутнічалі на “Cuatro Ventos”, - адзначыў
кс. Фэдэрыко Ламбардзі.