На адной з самых важных
плошчаў Санцьяга, сталіцы Чылі, 15 верасня адбудзецца незвычайная маніфестацыя: тысячы
свецкіх католікаў, якія працуюць у самых розных сферах, сустрэнуцца на адной з цэнтральных
плошчаў горада, каб “у духу свята, радасці і надзеі” даць сведчанне сваёй веры.
Маніфестацыя,
ідэя правядзення якой была падтрымана арцыбіскупам Санцьяга Рыкарда Эццаці, пройдзе
пад назвай “Радасць быцця католікамі”. Пасля сустрэчы на плошчы шматлікія вернікі
пройдуць у накірунку цэнтра горада.
Арганізатары мерапрыемства расказалі, што
падчас маніфестацыі будуць зроблены фотаздымкі, якія ўвойдуць у спецыяльны альбом,
што будзе, на знак “пашаны і адданасці”, падараваны Бэнэдыкту XVI. “Вернікі, якія
ў гэты дзень апрануцца ў белыя кашулі, жадаюць публічна сведчыць аб сваёй прыналежнасці
да Касцёла і вернасці сваім святарам, біскупам і Святому Айцу, які вучыць, што Хрыстус
дае кожнаму свайму вучню радасць і надзею”, - гавораць арганізатары мерапрыемства.
“Менавіта часы ў якія мы жывем натхняюць нас, як членаў Касцёла, выйсці на выліцу,
каб прапаведваць веру ў Хрыста і сведчыць аб нашай дзейнасці, абавязках салідарнасці
адносна слабых і канкрэтных ініцыятывах на карысць грамадства”, - напісана ў закліку
да удзелу ў мерапрыемстве.