Сусветная Рада Цэркваў заклікае да малітвы за прыроду
Экуменічная Рада Цэркваў
запрашае хрысціян да малітвы і разважанняў над дарам прыроды. Рада прапануе кожнаму
хрысціяніну з 1 верасня па 4 кастрычніка 2011 г., праявіць асаблівы клопат аб акружаючым
асяроддзі. Ініцыятыва прымеркавана да абвешчанага ААН Міжнароднага года лясоў. З гэтай
нагоды Рада Цэркваў прапануе хрысціянам ахвяраваць “свой час для стварэння”, прысвячаючы
свае малітвы і разважанні тэмам, звязаным з дарам прыроды.
Экуменічная Рада
Цэркваў заклікае вернікаў, праявіць практычны клопат аб экалогіі і спрыяць вырашэнню
праблем, звязаных з забруджанасцю атмасферы і прычынамі, якія выклікаюць кліматычныя
змены. Ініцыятыва нарадзілася ў 1989 г, калі тагачасны Праваслаўны Патрыярх Канстантынопаля
Дзімітріос І, абвясціў 1 верасня Днём малітвы за зямлю і экасістэму. Гэты дзень быў
абраны таму што 1 верасня пачынаецца праваслаўны літургічны год, адпаведны момант,
каб звярнуць увагу вернікаў на першыя радкі з Бібліі, якія тычацца стварэння. Акрамя
таго, час асаблівай малітвы за акружаючае асяродзе працягнецца да 4 кастрычніка,
дня літургічнага ўспаміна св. Францішка з Асізі, апекуна эколагаў.