Прэм’ер-міністр Турцыі
Таіп Эрдаган падпісаў указ, паводле якога дзяржава павінна вярнуць маёмасць канфіскаваную
ў рэлігійных меншасцяў у 1936 г. Паводле ўказа царкоўная маёмасць будзе вернута
грэка-праваслаўным, армянскім, яўрэйскім супольнасцям, а таксама католікам хальдэйскага
абраду. Па-за дзейнасцю закона застаюцца католікі лацінскага абраду. Гэта тлумачыцца
тым, што ў Лазанскім дагаворы 1923 г., рыма-католікі не ўзгадваюцца сярод рэлігійных
меншасцяў Турцыі. Такая сітуацыя застаецца да сённяшняга дня. Акрамя таго, сёння
Каталіцкі Касцёл не мае юрыдычнага прызнання ў гэтай краіне, негледзячы на тое, што
ўжо на працягу доўгіх гадоў падтрымліваюцца дыпламатычныя адносіны паміж Апосталькай
Сталіцай і Турэцкай Рэспублікай.
Перагляд закона аб вяртанні царкоўнай маёмасці
рэлігійным меншасцям адбудзецца ў верасні 2011 г. “Я з радасцю прыняў гэтую навіну”,-
сказаў арцыбіскуп Руджэро Франчэскіні, старшыня Канферэнцыі Біскупаў Турцыі. Задавальненне
выказалі таксама прадстаўнікі іншых рэлігійных меншасцяў. Для іх гэта “гістарычны”
крок на шляху да павагі правоў чалавека ў Турцыі. “Скончыліся часы, калі нашы грамадзяне
падвяргаліся пераследам з прычыны сваёй рэлігійнай ці этнічнай прыналежнасці”,- сказаў
прэм’ер-міністр Турцыі Эрдаган.