Një shpërthim që ndodhi sot në një parking të Kueta, kryeqendrës së provincës pakistaneze
Baluhistan, ka shkaktuar një bilanc të përkohshëm prej 10 të vdekurish e 13 të plagosurish,
ndër ta ka edhe fëmijë. Shpërthimi, i fuqishëm e për të cilin policiapakistaneze
bëri të ditur se është fjala për një kamikazë apo sulmues vetëvrasës me makinë-bombë,
ka ndodhur në Gulistan Road, para fillimit të lutjes për Fitër Bajramin, e ka shkaktuar
dëmtimin e 14 automjeteve. Bomba shpërtheu derisa njerëzit po largoheshin nga një
xhami në qytet. Deri tash, askush nuk e ka marrë përgjegjësinë për këtë sulm.