Маліцца “за
ўсіх настаўнікаў, каб былі здольнымі перадаваць любоў і праўду, а таксама навучаць
сапраўдным маральным і духоўным каштоўнасцям”, - так гучаць словы агульнай інтэнцыі
Бэнэдыкта XVI на верасень. У інтэрв’ю нашаму радыё кардынал Зянон Грахалеўскі, старшыня
Кангрэгацыі Каталіцкай Адукацыі адзначыў, што два элементы, аб якіх кажа Папа выражаюць
сутнасць сапраўднай адукацыйнай патрэбы.
“Перад абліччам рэлятывізма адносна
каштоўнасцяў і фундаментальных праўд, неабходна перадаваць любоў і праўду: калі невядома,
што такое дабро, тады невядома і што такое зло; калі ўсё адносна - паўстае пытанне
“чаму вучыць?”. Вельмі важнай з’яўляецца таксама і другая часка інтэнцыі малітвы:
навучаць сапраўдным духоўным каштоўнасцям. У рэальнасці адукацыя не можа быць абмежавана
толькі перадачай ведаў і здольнасцяў, якія могуць выкарыстоўвацца як для дабра, так
і для зла. Неабходна вучыць таму, каб асоба ведала, і перш за ўсё жадала, выкарыстоўваць
свае веды і здольнасці для дабра”.
Кардынал Грахалеўскі расказаў, што дэкастэрыя,
якую ён узначальвае, імкнецца распрацаваць адукацыйны праект у якім увага будзе сканцэнтравана
на чалавечай асобе ва ўсіх яе вымярэннях. “Нават інтэлектуальнае навучанне, для нас
не з’яўляецца толькі падрыхтоўкай прафесійных здольнасцяў: інтэлектуальнае выхаванне,
перш за ўсё павінна выхоўваць асобу, здольную мысліць крытычна, ацэніваць, а не быць
рабом прапаганды і ідэалогій”, - сказаў іерарх. Кардынал адзначыў, што ўвага дэкастэрыі
звяртаецца на духоўнае выхаванне настаўнікаў, якія павінны стаць сапраўдным прыкладам
для вучняў. “Часта ў нашу Кангрэгацыю прыходзяць паслы розных краін пры Апостальскай
Сталіцы і гавораць, што з’яўляюцца неверуючымі, але атрымлівалі адукацыю ў каталіцкіх
школах. На пытанне чаму, вы няверуючыя людзі выбралі менавіта гэтыя школы, звычайна
гучыць два адказы: па першае таму што гэтыя школы лепшыя, а па-другое, таму што даюць
не толькі веды, але выхоўваюць асобу”, - расказаў кардынал Грахалеўскі.