Atë Daniel Gjeçaj OFM në përvjetorin e kalimit në amshim.
Duke shfletuar kalendarin historik të 30 gushtit, përkujtojmë 9 vjetori i vdekjes
së studiuesit françeskan shqiptar, atë Daniel Geçajt. Figurë poliedrike, Atë Danieli
tërë jetën punoi duke iu përmbajtur binomit të njohur që Kleri Katolik Shqiptar ka
pasur gjithmonë, për Fè dhe Atdhè. Në periudhën më të vështirë e të errët të vendlindjes
e të Popullit të vet Shqiptar, nën regjimin komunist e ateist, Atë Daniel Gjeçaj për
vite të tëra qe pikë referimi për diasporën shqiptare dhe emigrantët në Itali e Romë,
për të cilët qe atë shpirtëror e mbështetje vëllazërore. Atë Daniel Gjeçaj për vite
të tëra ishte edhe bashkëpunëtor i Programit Shqip të Radio Vatikanit që në kohën
e themelimit nga dom Zef Shestani, me të cilin bashkëpunoi nga afër e deri në vitet
e fundit të jetës së tij. Jan të shumta botimet dhe ribotimet e veprave letrare
që dolën nga shtypi jashtë atdheut me mbështetjen e Atë Danielit. Ndër to përmendim
“Andrrën e Pretashit” te Pater Anton Harapit, “Lahuten e Malcis”, ribotuar dy herë,
Vale mbi Vale po e Anton Harapit. Gjithashtu Atë Daniel Gjeçaj shquhet edhe për vepra
origjinale si Gjergj Fishta, jeta dhe vepra apo për përkthime te tilla si Psalmet
dhe Shkrimi i Shenjtë për të cilin punoi deri në fund të jetës. Duke përkujtuar
këtë figurë erudite të kulturës shqiptar të pas luftës, sot në 9 vjetorin e vdekjes
së atë Daniel Gjeçajt, propozojmë një fragment nga homelia e tij mbajtur në Meshën
e Shenjtë kremtuar në Shenjtëroren e Zojës së Këshillit të Mirë në Gennazzano afër
Romës në vitin 1968, në kuadrin e kremtimit të 500 vjetorit të vdekjes së heroit
kombëtar, Atletit të Krishtit, Gjergj Kastriotit Skënderbe. Ta dëgjojmë atë Daniel
Gjeçajn..