Քուէյթեան արտաքին գործոց նախարարութենէն բարձրաստիճան աղբիւր մը «Ալ-Արապիա» արբանեակային
պատկերասփիւռի կայանին յայտնեց, որ անցեալ շաբաթավերջին Իրաքի հետ սահմանին մօտ գտնուող
քուէյթեան հողամասերուն վրայ երեք հրթիռներ ինկած են: Աղբիւրը նշեց, որ անոնցմէ երկուքը
ցամաքի վրայ ինկած են, իսկ երրորդը` Արաբական ծոցի ջուրերուն մէջ: Աղբիւրը ընդգծեց,
որ «Կրատ» տիպի հրթիռները ներկայիս կառուցուող Մուպարաք մեծ նաւահանգիստին դէմ ուղղուած
չէին, եւ քուէյթեան կողմին մէջ վնասներ չեն արձանագրուած, իսկ հրթիռները միջ-իրաքեան
բախումի մը ընթացքին արձակուած էին: