Zëvendëskryeministri dhe ministri i Jashtëm i Shqipërisë, Edmond Haxhinasto tha sot
se klasa politike duhet të angazhohet për një pakt kombëtar për integrimin. Në një
takim të zhvilluar me ambasadorin e SHBA ve në Tiranë, Aleksandër Arvizu, Haxhinasto
theksoi se integrimi në Bashkimin Evropian është një prioritet kombëtar i Shqipërisë.
"Zbatimi i rekomandimeve të Bashkimit Evropian duhet të jetë prioritet i politikës
shqiptare", tha Haxhinasto. Gjithashtu ministri i Jashtëm shqiptar tha se gjatë takimit
me ambasadorin Amerikan është diskutuar për asamblenë e OKB së dhe seancën që pritet
të zhvillohet për Kosovën.