Nigeri: Papa shpreh dhimbjen, dënimin për viktimat e atentatit dhe thirrjen për paqe
Benedikti XVI ka dënuar atentatin kamikazë në selinë e OKB-së në kryeqytetin e Nigerisë,
Abuxhë, që shkaktoi të premten e kaluar 18 të vdekur e me dhjetëra të plagosur, ka
shpreh pjesëmarrjen personale në vuajtjet e shkaktuara nga atentati, si dhe bëri thirrje
për ndaljen e dhunës. Në mesazhin dërguar Presidentit të Nigerit, Goddluck Jonatha,
e sekretarit të përgjithshëm të OKB-së, Ban Ki-moon, Papa Ratcinger shprehi keqardhjen
për “humbjen e tmerrshme të jetës si të qytetarëve e po kështu edhe të punonjësve
të Kombeve të Bashkuara e tha se është i brengosur për valën e dhunës e të vdekjes,
prandaj përsëriti thirrjen e tij “të gjithë atyre që kanë zgjedhur vdekjen e dhunës”
që të heqin dorë nga kjo strategji shkatërrimtare dhe ta “përqafojnë jetën e dialogun”.
Në telegramin e nënshkruar nga Sekretari i Shtetit të Vatikanit, kardinali Bertone,
Papa siguron së fundi lutjen e tij drejtuar Zotit për ata që kanë humbur jetën në
mënyrë kaq dramatike dhe kërkon nga Hyji t’u japë forcë e guxim të plagosurve e atyre
që u ofrojnë ndihmë”.