У нядзелю 11 верасня
ва ўсіх касцёлах Аргентыны будуць збірацца ахвяраванні на дапамогу бедным сем’ям,
а таксама тым людзям, якія жывуць за мяжой беднасці. З гэтай нагоды Бэнэдыкт XVI скіраваў
спецыяльнае пасланне ў якім заклікае, даць “шчыры адказ на гэту ініцыятыву” і нагадвае,
што “нават самы маленькі дар з’яўляецца вельмі каштоўным у вачах Бога”.
Дэвізам
кампаніі па збору сродкаў для патрабуючых з’яўляюцца словы “Сваёй дапамогай, ты выбіраеш
жыццё”. Усе грошы будуць падзелены паміж 25 дыяцэзіямі, у якіх многія людзі жывуць
не маючы дамоў, хлеба і доступу да вады.
Папа, у сваім пасланні, скіраваным
за подпісам кардынала Дзяржсакратара Тарчызіо Бэртонэ, адзначае, што ў дары, які мы
робім, павінна знаходзіцца “Боская любоў, якая здольна адмовіцца нават ад неабходнага,
каб падтрымаць свайго брата”. “Гэта любоў, не праяўляецца толькі ў нейкіх ізаляваных
сітуацыях, але павінна наскрозь прасякнуць жыццё хрысціяніна, каб весці яго да Бога
любові, аб якім мы ўсе пакліканы сведчыць”.
Бэнэдыкт XVI заклікае да еднасці
з братамі, што з’яўляецца наймацнейшым знакам еднасці з Богам, нашым шчырым, канкрэтным
і эфектыўным адказам. Папа даверыў добрыя плёны гэтай ініцыятывы Найсвяцейшай Панне
Марыі з Луана, апякункі аргентынскага народа.
Таксама і біскупы гэтай краіны
заклікаюць вернікаў да салідарнасці і кажуць аб тым, што кампанія па сбору сродкаў,
дапаможа запоўніць недахопы ў сацыяльнай сферы, якія існуюць негледзячы на шматлікія
дзяржаўныя праекты. Беднасць застаецца вялікім выклікам для Аргентыны. У мінулым годзе,
ў ходзе такой кампаніі арганізаванай Касцёлам, было сабрана каля 11 млн. пэсо (каля
2 млрд. еўра), якія былі выкарыстаны на пабудову дамоў, грамадскіх сталовых і мікрапрадпрыемстваў
для бедных людзей.