25 жніўня, падчас
форума ў Рыміні, арганізаванага аб’яднаннем “Камунія і вызваленне” галоўнай тэмай
дыскусій была “Хрысціяне і палітыка”. Падчас уступнага слова старшыня італьянскага
рэгіёна Ламбардыя Рабэрто Фармігоні, адзначыў, што “хрысціянства ніколі не было асабістай
рэччу. Хрысціянская супольнасць, мае абавязак навучаць людзей будаўніцтву супольнага
дабра”.
У мерапрыемтсве прынялі ўдзел госці з розных краін свету: Філіп Блонд,
блізкі супрацоўнік прэм’ер-міністра Вялікабрытаніі Дэвіда Кэмерона, расказаў аб цяжкасцях,
з якімі сустракаюцца хрысціяне, што займаюцца палітыкай ў гэтай краіне. Эксперт звярнуў
увагу на існаванне пэўных прадузятасцяў у грамадстве, адносна тых, хто публічна сведчыць
аб сваёй веры. Ёзэф Дол, старшыня групы Еўрапейскай народнай партыі у Еўрапейскім
парламэнце, звярнуў увагу на неабходнасць абароны хрысціянскіх каштоўнасцяў, ад тых
хто хоча іх выключыць з публічнай сферы.
Сярод запрошаных для ўдзелу ў форуме
быў, Пол Бхацці, дарадца прэм’ер-міністра Пакістана па справах рэлігійных меншасцяў.
Ён расказаў аб цяжкасцях з якімі сустракаюцца ў яго краіне хрысціяне і прадстаўнікі
іншых немусульманскіх рэлегійных супольнасцяў.
У інтэрв’ю нашаму радыё Пол
Бхаці расказаў, што пасля забойства ў сакавіку 2011 г. ісламскімі экстрэмістамі яго
брата Шабхаза Бхаці, былога міністра па справах рэлігійных меншасцяў, людзей апанаваў
страх і яны адчувалі сябе безабароненымі. “Пазітыўным пунктам стала тое, што многія
людзі, сярод якіх мусульмане, а таксама міжнародная супольнасць, пачалі разумець,
што экстрэмізм з’яўляецца рэальнай праблемай і гэта, у сваю чаргу, паўплывала на нараджэнне
моцнага духа салідарнасці”, - расказаў Пол Бхаці.