Кіраўнік Рускай Праваслаўнай
Царквы Патрыярх Кірыл выразіў жаль з прычыны неразумення некаторымі жыхарамі Масквы
мэтаў праекта пабудовы ў горадзе 200 цэркваў. “Некаторыя лічаць, што Маскоўскі Патрыярхат
нібыта камерцыйнае прадпрыемства, хоча адкрыць новыя гандлёвыя кропкі, з мэтай заробку
грошей. Адсюль паходзіць непрымання такой сістэмы многімі людзьмі. Акрамя таго існуюць
шматлікія СМІ, якія менавіта такі вобраз Царквы малююць”, - заявіў Патрыярх Кірыл
падчас паседжання Вярхоўнай Царкоўнай Рады.
Іерарх падкрэсліў, што мэта Царквы
заключаецца ў тым, каб з пабудовай новых храмаў, прыходаў, і павялічэннем колькасці
епархій “спрыяць таму, каб Царква наблізілася да гэтай непростай рэальнасці, якую
мы называем сучасным грамадствам”. Патрыярх таксама закрануў праблемы адказнасці.
Ён адзначыў, што без актыўнай працы з народам, Царква будзе не здольная ўплываць на
фарміраванне адказнасці народа перад “Богам, Радзімай, грамадствам і самім сабой”.
У
красавіку 2011 г. мэр Масквы Сяргей Сабянін паабяцаў прадстаўнікам Праваслаўнай Царквы,
што не будзе ніякіх перашкодаў у ажыццяўленні праекта. Намеснік мэра Уладзімір Рэсін
падцвердзіў, што 200 участкаў пад пабудову новых цэркваў ужо вызначаны і ў некаторых
кутках гораду ўжо пачаліся працы, якія будуць фінансавацца выключна за кошт ахвяраванняў,
сабраных у адмысловы фонд.