Միացեալ Նահանգներու արեւելեան շրջանը ցնցեց 5.8 ուժգնութեամբ երկրաշարժ մը: Հազուադէպ
այս երկրաշարժը պատմութեան ընթացքին շրջանին մէջ արձանագրուած հզօրագոյն երկրաշարժն էր: Երկրաշարժին
պատճառով մինչեւ իսկ ամերիկեան քաղաքական իշխանութեան առանցքը եղող Սպիտակ տունը ցնցուեցաւ: Մինչ
այդ` «Իրեն» փոթորիկը կ՛ուղղուի դէպի Արեւելեան Միացեալ Նահանգներ եւ արդէն թափ ստանալով
հասած է ուժգնութեամբ երրորդ աստիճանին: Հիւսիսային Քարոլայնայի բնակիչներէն ոմանք կամովին
կը հեռանան ծովեզերեայ շրջաններէն, իսկ ուրիշներ սննդամթերք կ՛ամբարեն: Փոթորիկը արդէն
Քարայիպեան շրջանին մէջ ողողումներ յառաջացուցած է: