Рэктар Латэранскага універсітэта аб прамове Папы да выкладчыкаў
“Шлях да праўды, гэта
шлях разважанняў і любові, розуму і веры”: гэта адна з галоўных думак Бэнэдыкта XVI
скіраваная да маладых універсітэцкіх выкладчыкаў падчас Сусветных дзён моладзі ў Мадрыдзе”,
- сказаў рэктар Папскага Латэранскага універсітэта біскуп Энрыко Даль Каволо ў інтэрв’ю
нашаму радыё.
“У Эскарыяле, падчас размовы з маладымі ўніверсітэтскімі выкладчыкамі
Папа звярнуў увагу на адзін важны аспект, якія я думаю неабходна асабліва падкрэсліць.
Напрыканцы сваёй прамовы Папа сказаў: калі праўда і дабро адзіныя, тады таксама і
веды і любоў, павінны быць разам. З гэтага адзінства паходзіць згода паміж жыццём
і думкай, тое, што павінен даць кожны настаўнік. На мой погляд, гэта з’яўляецца галоўнай
думкай”, сказаў італьянскі тэолаг.
Біскуп Каволо адзначыў, што сённяшняй навуке
неабходны філасофскі і тэалагічны фундамент, які яе будзе арыентаваць. “Калі такі
фундамент адсутнічае, навука закрываецца ў сябе самой і абмяжоўваецца толькі ўласнай
аўтаномнай праўдай. Гэта відавочная праява рэлятывізма які пануе сёння”, - сказаў
іерарх. На яго думку, Папа яшчэ працуючы разам з Янам Паўлам ІІ прыйшоў да высновы,
што розум калі закрываецца сам ў сабе, скіроўваецца супраць сябе, г.зн., супраць гуманізацыі
чалавека. “Розум, наадварот, павінен адкрыцца на тое, што адпавядае чалавечай асобе,
а гэта канешне гарызонты веры і любові”, - сказаў біскуп.
Гаворачы аб прамове
Святога Айца ў Мадрыдзе, рэктар Латэранскага універсітэта адзначыў, што добры настаўнік
і выкладчык, павінен асабіста дайсці да адзінства паміж розумам і верай, і сведчыць
аб ім. “Зразумела, што прамова Папы скіравана да ўсіх: настаўнікаў, выкладчыкаў, усіх
хто удзельнічае ў выхаваўчых і адукацыйных працэсах”.