Напрыканцы мінулага
тыдня у Цяншуй, у кітайскай правінцыі Гансу Служба бяспекі гэтай краіны арыштавала
групу каталіцкіх святароў і свецкіх вернікаў, якія прыналежаць да “катакомбнага” Каталіцкага
Касцёла. Зараз яны знаходзяцца ў розных турмах, дзе адбываюцца іх допыты. Католікі
Кітая пачалі малітоўную кампанію у інтэнцыі іх вызвалення.
Сярод арыштаваных
адміністратар падпольнай дыяцэзіі Цяншуй, кс. Джаванні Бацціста Ванг Руан, а таксама
яе біскуп на пенсіі Казімір Ванг Мілу. У “катакомбнай” дыяцэзія Цяншуй, якая не прызнаецца
кітайскімі уладамі, налічваецца каля 20 тыс. вернікаў і 27 святароў.
На працягу
апошніх месяцаў арышты католікаў сталі вельмі частымі у Кітаі. На пачатку жніўня былі
арыштаваны 4 святары дыяцэзіі Хэзэ, якая знаходзіцца ва ўсходнекітайскай правінцыі
Шантунг. Адным з арыштаваных з’яўляецца адміністратар гэтай дыяцэзіі, кс. Ванг Чэнглі.
Улады аказваюць ціск на каталіцкую супольнасць, з мэтай дабіцца іх пераходу ў падуладнае
так званае Патрыятычнае Аб’яднанне Католікаў Кітая, якое не мае прызнання Апостальскай
Сталіцы.