Бэнэдыкт XVI павіншаваў кардынала Корэца з 60-й гадавінай біскупскай сакры
24 жніўня Бэнэдыкт
XVI скіраваў славацкаму кардыналу Яну Хрызастому Корэцу, віншавальную тэлеграму з
нагоды 60-годдзя біскупскай сакры. У сваім віншаванні Папа адзначыў, што біскупскае
пасвячэнне іерарх прымаў тайна, як адбывалася ў часы першых апосталаў. Святы Айцец
выказаў удзячнасць кардыналу Корэцу за верную і адданую працу і служэнне Касцёлу ў
Славакіі і запэўніў у сваіх малітвах.
Кардынал Ян Корэц нарадзіўся у Башанах
Нітрскай дыяцэзіі у Славакіі 22 студзеня 1924 г. У 1939 г. стаў членам ордэна іезуітаў.
1 кастрычніка 1950 г., ва ўзросце 26 гадоў атрымаў святарскае пасвячэнне, а праз год,
ва ўзросце ўсяго 27 гадоў яму тайна была ўдзелена біскупская сакра.
“Ёсць
адзін чалавек ў Браціславе, якога баіцца атэістычная камуністычная партыя Чэхаславакіі.
Яго завуць Ян Корэц. Ён працуе на адной вялікай фабрыцы. Негледзячы на тое, што ён
хворы астмай яго прымусілі да цяжкай фізічнай працы: кожны дзень падымаць і апускаць
бітоны з дзёгцем. Калі сілы яго пакідаюць, яму неадкуль чакаць дапамогі, таму што
ён грамадзянін трэццяга гатунку: у яго дакументах пазначана “здраднік Радзімы”, -
так пісалі аб ім замежныя часопісы ў 25-ю гадавіну яго біскупскага пасвячэння ў 1976
г.
Кардынал Корэц у 1950-я гг. заснаваў катакомбны Касцёл у Чэхаславакіі. У
той час калі амаль усе біскупы, святары і законнікі былі арыштаваны, ён атрымаў святарскае
пасвячэнне, а праз год і біскупскае, каб мець магчымасць удзяляць сакрамэнт святраства.
У той час ён быў самым маладым біскупам у свеце. Яму было толькі 27 год.
На
працягу 9 гадоў ён працаваў на адной з фабрык адначасова з цяжкай фізічнай працай
спаўняючы сваё святарскае і біскупскае служэнне. Пазней, у 1960-я гг., ён працягваў
выконваць сваю місію будучы арыштаваным і заключаным у турму на доўгіх 12 гадоў. Пасля
агульнай амныстыі аказаўся на свабодзе і працягваў працу на фарбыцы. Але ў 1974 г.
зноў на чатыры гады апынуўся за кратамі. Нарэшце ў 1990 г., папа Ян Павел ІІ прызначыў
іерарха, біскупам Нітры. Кардынал Корэц з’яўляецца аўтарам шматлікіх кніг, некаторыя
з якіх друкаваліся ў розных краінах свету.