50 гадоў таму, 23
жніўня 1961 г., ва ўспамін св. Ружы Лімскай, Канферэнцыя Біскупаў Германіі прыняла
рашэнне аб стварэнні дабрачыннай арганізацыі “Adveniat” з мэтай дапамогі народам Лацінскай
Амерыкі. Нагодай для прыняцця такога рашэння былі патрэбы мясцовых хрысціян, але таксама
ўдзячнасць жыхароў Германіі за дапамогу, аказаную ім пасля вайны. Такія краіны як
Чылі, Аргенціна і Бразілія ў 50-я гады мінулага стагоддзя аказалі вялікую гуманітарную
дапамогу пасляваеннай Германіі.
Райнер Вільгельм, адзін з кіраўнікоў “Adveniat”
заявіў падчас урачыстых святкаванняў юбілею, што “гэтая дабрачынная арганізацыя закончыць
сваю місію ў Лацінскай Амерыцы ў той час, калі Касцёл гэтага кантынента скажа, што
ўжо нас не патрабуе”.
Сёння ў кіраўніцтве “Adveniat” стаіць група свецкіх
вернікаў з нямецкага горада Эсэн. На працягу кожнага года, гэта арганізацыя ажыццяўляе
больш за 3 тыс. праектаў, укладаючы у іх больш за 40 млн. еўра. Большая частка сродкаў
выкарыстоўваецца для будаўніцтва школ, бальніцаў і касцёлаў, а таксама на адукацыю
катэхетаў, падтрымку манаскіх ордэнаў і касцельных СМІ.