Երիտասարդութեան Համաշխարհային 27-րդ Օրը Տեղի Պիտի Ունենայ Րիօ Տէ Ժաներօ Քաղաքին
մէջ 2013-ին։
Պենետիկտոս ԺԶ Քահանայապետը Կը Յուսայ Մասնակցիլ Այդ Օրուան։ Երիտասարդութեան
համաշխարհային 27-րդ օրը, տեղի պիտի ունենայ Պրազիլի Րիօ տէ Ժանեյրօ քաղաքին մէջ 2013-ին,
յայտարարած է Պենետիկտոս ԺԶ Քահանայապետը եզրափակելով Մատրիտի Երիտասարդութեան համաշխարհային
26-րդ օրը։ 84-ամեայ Քահանայապետը յոյս յայտնած է պրազելցիներուն, մասնակցիլ այդ
Օրուան։ Այս յայտարարութիւնը կատարելով, Սրբազան Հայրը, Ամենակալէն խնդրեց, որ օգնութեան
հասնի կազմակերպիչներուն ինչպէս նաեւ հարթէ ճանապարհը աշխարհի բոլոր երիտասարդներուն
որպէսզի կարենան մեծ թիւով իրենց մասնակցութիւնը բերել։ 2013ի JMJ-ին հաւանաբար կազմակերպուի
յուլիս ամսոյն մէջ։ Պրազիլը, աշխարհի վրայ, կաթողիկէներու ամենամեծ երկիրն է, այսինքն
Պրազիլի կաթողիկէները կը հաշուեն 125 միլիոն, որոնք կը ներկայացնեն բնակչութեան 80 տոկոսը։
Ասիկա երկրորդ անգամն է որ JMJ կը կատարուի Հարաւային Ամերիկայի մէջ, նախորդը տեղի ունեցաւ
Արխենթինայի Պուենոս Այրես մայրաքաղաքը 1987-ին։