Кардынал Бэртонэ: праз Літургію сам Бог выхоўвае свой народ
22-26 жніўня ў Трыестры
праходзіць Італьянскі Нацыяльнальны Літургічны тыдзень, на тэму “Бог навучае свой
народ. Літургія бясконцая крыніца катэхезы”. Падчас форума будзе абмяркоўвацца перспектыва
пастырскай працы Касцёла ў Італіі на перыяд 2010-2020 гг. Будуць абмяркоўвацца актуальныя
праблемы звязаныя з каталіцкім выхаваннем і адукацыяй, а таксама тэма адукацыйнай
ролі прымата Бога ў літургіі.
З нагоды мерапрыемства кардынал Дзяржсакратар
Тарчызіо Бэртонэ скіраваў яго ўдзельнікам пасланне ад імя Святога Айца Бэнэдыкта XVI.
“Касцёл, асабліва калі цэлебруе Боскія таямніцы, прызнае і паказвае рэальнасць, якая
не можа быць абмежавана толькі зямнымі і арганізацыйнымі аспектамі. - гаворыцца ў
пасланні - У іх павінна быць відавочна, што асновай і сэрцам супольнасці з’яўляецца
прызнанне межаў абрада, бо літургія не здзяйсняецца чалавекам, але Богам, праз Яго
цудоўную і бескарысную ласку”.
“Літургія выражае абсалютную першаснасць Бога,
і паказвае што Бог заўсёды побач з намі, таму што на пачатку хрысціянскага быцця не
стаіць этыка ці вялікая ідэя, але сустрэча з Асобай, якая дае жыццё і новыя гарызонты,
а разам з тым накірунак”. У такім сэнсе Бог, гэта вялікі выхаваўца свайго народа,
любячы, мудры, нястомны настаўнік, які дзейнічае праз Літургію, справу Бога ў сённяшнім
Касцёле”, - гаворыцца ў пасланні.
Кардынал Бэртонэ адзначае, што Італьянскі
Нацыяльнальны Літургічны тыдзень “пакліканы паразважаць над адукацыйным вымярэннем
літургіі, якая з’яўляецца пастаяннай школай выхавання вакол Уваскрослага Хрыста, месцам
у якім вера набывае форму і можа быць перададзена”. “У такім кантэксце важна паглыбіць
разважанне аб адносінах паміж катэхезай і літургіяй, пазбягаючы аднак, выкарыстання
літургіі для “катэхетычных” мэтаў”, - адзначыў іерарх.