Бэнэдыкт XVI: св. Ян Авільскі будзе абвешчаны Доктарам Касцёла
Хутка адбудзецца абвяшчэнне
Доктарам Касцёла іспанскага святога Яна Авільскага. Аб гэтым сказаў Бэнэдыкт XVI на
заканчэнне св. Імшы, якую ён цэлебраваў 20 жніўня з семінарыстамі ў катэдральным касцёле
Мадрыда.
“Публічна абвячшаючы гэту навіну, я хачу каб словы і прыклад шаноўнага
пастыра сталі святлом для святароў і для тых, хто з радасцю і надзеяй рыхтуецца да
атрымання сакрамэнта святарства”, - сказаў Папа.
Святы Айцец заклікаў усіх,
скіроўваць свой позірк на св. Яна Авільскага, а таксама даверыў яго апецы біскупаў
Іспаніі і ўсяго свету, святароў і семінарыстаў, каб трываючы ў той веры, якой ён служыў,
набліжалі свае сэрцы да Езуса Хрыста, Добрага Пастыра.
Св. Ян Авільскі жыў
у Іспаніі ў XVI ст. Сваім прапаведваннем, а таксама адукацыйнай і грамадскай дзейнасцю
спрыяў шматлікім навяртанням, і стаў натхненнем для такіх вядомых сучаснікаў, як св.
Тэрэза Авільская, св. Ігнацый Лаёла і св. Тамаш з Вілановы. Яго навучанне характарызуецца
глыбокім знаёмствам з Хрыстом Збаўцам, які адкрыў яму грахоўную рэальнасць чалавека,
якая перамагаецца ласкай і прапаведваннем. Марыялогія св. Яна Авільскага вельмі моцна
паўплывала на рашэнні будучага ІІ Ватыканскага сабора і навучанне Рымскіх Пантыфікаў
ХХ ст. У яго працах вобрах Марыі прадстаўлены, як Маці Касцёла, якая абвяшчае Хрыста,
удзельнічае ў Эўхарыстыі і дзяйсняе справы міласэрнасці.
Св. Ян Авільскі з’яўляецца
апякуном іспанскіх святароў і вайсковых капеланаў. Яго рэліквіі на час Сусветных дзён
моладзі былі перавезены з Кардобы ў Мадрыд.