Սպանիոյ Կաթողիկէ Եկեղեցին Թիւերով (ըստ 31/12/2010 տուեալներուն)

Սպանիան ունի 505.992 քլմ քառ. տարածութիւն։ Բնակչութեան թիւը 46.073 միլիոն է որոնցմէ 42.470 կաթողիկէ են 92.18 առ հարիւր համեմատութեամբ։ Սպանիոյ մէջ կը գործեն 22.890 ժողովրդապետութիւններ։ Սպանիոյ Կաթողիկէ եկեղեցին ունի 126 Եպիսկոպոս ։ 16.689 Թեմական Քահանայ։ 8.089 Կրօնաւոր։ 380 Սարկաւագներ։ 1258 փոքր նորընծաներ եւ 1866 Աւագ նորնծայ։ Եկեղեցական իշխանութեան հովանիին տակ գործող դպրոցական կառոյցներու թիւը կը հասնի 5535-ի ներառեալ համալսարանական կարոյցները ուր կ`ուսանին աւելի քան 1 միլիոն 466 աշակերտներ։
Մատրիրի Թեմը հաստատուած է 7 մարտ 1885-ին, Լեւոն ԺԳ քահանայապետի կողմէ եւ 1964-ին՝ երջանկայիշատակ Պօղոս Զ. պապը զայն բարձրացուց Արքեպիսկոպոսական Թեմի։ 15 յունիս 1993-ին Երանելի ՅՊԲ Քահանայապետը օծումը կատարեց Սանթա Մարիա Լա Րէալ Ալմուտէնա անուան Մատրիտի Մայր Տաճարին, որուն հիմնաքարը զետեղուած էր 1883-ի ապրիլ 4ին Ալֆոնս ԺԲ. Թագաւորի օրով։ 1994 էն ի վեր Մատրիտի Արքեպիսկոպոսական Թեմի առաջնորդն է Կարտինալ Անթոնիօ Մարիա Րուքօ Վարելան։ Ան ծնած է 1936 ին , կուսակրօն քահանայ ձեռնադրուած է 1959-ի մարտ 28ին, եւ 1976-ին անուանուած՝ Սանդիակօ Տէ Գոմբոսդելլայի տեղապահ եպիսկոպոս. ու 1984-ին ստանձնելով Սանդիակօ Տէ Գոմբոսդելլայի թեմի ղեկը։ Իր այս պաշտօնի բերումով Կարտինալ Անթոնիօ Մարիա Րուքօ Վարելան 1989 ին ստանձնեց նաեւ երիտասարդներու համաշխարհային տարուայ առաջին միջազգային հանդիպումի կազմակերպութիւնը, որ տեղի ունեցաւ Սանդիակօ Տէ Գոմբոսդելլայի թեմէն ներս։ Կարտինալ Րուքօն այսպէսով կը հանդիսանայ երկու անգամուայ համար ՃՄՃ-ԵՀՕ.ն իր թեմի մէջ հիւրընկալող առաջին եպիկոպոսը։ Նշենք նաեւ որ Սպանիան եւ Իտալիան միակ երկու երկիրներն են ուր երկու անգամ տեղի ունեցան ՃՄՃ երիտասարդութեան Համաշխարհային օրը։