Մատրիտի Երիտասարդութեան Համաշխարհային 26 Օրը Թիւերով։
- Աւելի քան 7 թոն վարդարաններ բաշխուած են երիտասարդութեան օրուան մասնակցողներուն։
Այս վարդարանները շինուած են էկուատերեան գործարանի մը կողմէ տալով աշխատանք 150 ընտանիքներու։ -
7.000 Եուգադ` Քրիստոնէական կաթողիկէ եկեղեցւոյ երիտասարդներու համար յատուկէն պատրաստուած
գիրքը։ - 200 խոստովանարաններ պատրաստուած նաւակի ձեւով ''Րեդիրօ'' կոչուած այգիին
մէջ, որպէսզի հոն աւելի քան 2000 քահանաներ ապաշխարութեան խորհուրդը մատակարարեն։ -
8 միլիոն ճաշեր պիտի բաշխուին Մատրիտի զանազան ճաշարաններու մէջ։ Պենետիկտոս ԺԶ Քահանայապետը
կէսօրուայ ճաշը կը բաժնէ 12 հաւատացեալի հետ։ Սրբազան Քահանայապետը 79 ժամ պիտի անցնէ
Սպանիայի մայրաքաղաքին մէջ, 18-21 օգոստոս։ - Երիտասարդութեան համաշխարհային օրուան
փակումին կը նախատեսուի մասնակցութիւնը աւելի քան մէկ միլիոն հաւատացեալի, իսկ բացման
օրը կարտինալ Անթոնիօ Մարիա Ռուոգօ պատարագած է աւելի քան 500,000 հաւատացեալներու մասնակցութեամբ։ -
30,000 կամաւորներ իրենց ժամանակը տրամադրած են լաւագոյնս կազմակերպելու այս համաշխարհային
դէպքը - աւելի քան 14 հազար քահանաներ եւ 800 եպիսկոպոսներ Մատրիտ ժամանած են։ -
Հուսկ ասիկա երկրորդ անգամն է որ երիտասարդութեան համաշխարհային օրը կը կազմակերպուի
Սպանիոյ մէջ, առաջին անգամ տեղի ունեցաւ Սան Ժագ տէ Գամբոսթելլօ սրբավայրը։