DBR-së: për Papën Benediktin XVI është takimi i tretë botëror e udhëtimi i tretë në
Spanjë.
Dita e XXVI Botërore e rinisë që po mbahet këtyre ditëve në Madrid, së cilës Benedikti
XVI do ti bashkohet nesër për fazën përfundimtare, do të jetë e treta herë e Papes
Ratcinger në një takim botëror të rinisë, sipas formulës së shpikur nga paraardhësi
i tij Gjon Pali II. Ati i Shenjtë Benedikti XVI qe i pranishëm në DBR-së që u mbajt
në Këln të Gjermanisë, në gusht të vitit 2005, pak muaj pas zgjedhjes së tij papnore,
e në atë të Sindèjt të Australisë, që u mbajt në korrik të vitit 2008. Për Benediktin
XVI do të jetë edhe udhëtimi i tretë i tij papnor në Spanjë, pas atij në Valencia
më 2006 dhe në Santiago de Compostela e Barcelonë në vjeshtën e vitit të kaluar. Do
të jetë vizita e katërt e një Pape në Madrid, ku Gjon Pali II ka qenë tri herë, më
1982, më 1993 e më 2003. Dita XXVI Botërore e Rinisë më tutje do të jetë e dyta
që zhvillohet në Spanjë, pas asaj të vitit 1989 që u mbajt në Santiago de Compostela.
Deri më tani vetëm Spanja e Italia (Romë 1989 e 2000) kanë organizuar e prit dy takime
ndërkombëtare të të rinjve katolikë.