Насычанае падарожжа Бэнэдыкта XVI у Мадрыд. Праграма
Першым пунктам праграмы
папы Бэнэдыкта XVI пасля яго прыбыцця ў Мадрыд 18 жніўня, стане пераход Пантыфіка
разам з маладымі людзьмі з 5 кантынентаў пад вядомай пяцібрамнай трыумфальнай аркай
“Пуэрта дэ Алкала”. Асноўнымі момантамі чатырохдзённай пастырскай праграмы Пантыфіка
на Сусветных днях моладзі, пасля сімвалічнага адкрыцця візіту ў Эскарыяль, стануць:
Крыжовы Шлях, вячэрняе чуване і вялікая заключная св. Імша.
“Пуэрта дэ Алкала”
была пабудавана ў часы панавання караля Карласа III (1759-1788). Яна выкарыстоўвалася
да XIX стагоддзя як “брама” у іспанскую сталіцу для падарожнікаў, якія прыбывалі з
“Еўропы”, г.зн. з Усходу.
Маладыя людзі з Еўропы, Афрыкі, Азіі, Амерыкі і Аўстраліі
вечарам 18-га жніўня пройдуць праз адну з пяці брамаў “Пуэрта дэ Алкала”. Бэнэдыкт
XVI пройдзе праз цэнтральную браму, якая сімвалізуе Еўропу, што стане сімвалам адзінства
Наступніка св. Пятра з мясцовымі Касцёламі ў свеце. Затым Святы Айцец пройдзе па вуліцы
Калле дэ Алкала на цэнтральную плошчу Плаца дэ Сібэлес, дзе адбудзіцца цырымонія прывітання.
У цэлым, Бэнэдыкт XVI будзе мець у Мадрыдзе дванаццаць прамоў.
Падарожжа Папы
ў размешчаны прыкладна 50 кіламетраў на поўнач ад Мадрыду Эскарыяль у “Пантэон каралёў
Іспаніі” 19 жніўня, безумоўна, стане сенсацыяй. Ніколі яшчэ Папы не наведвалі гэта
гістарычнае месца.
Замак і кляштарны комплекс рэгіёну Сан Лоренцо дэ Эль Эскарыяль,
з’яўляецца найбольшым будынкам эпохі Рэнесансу ў свеце гэта не проста месца жыхарства,
але і месца веры. Комплекс уключае ў сябе касцёл, кляштар, каралеўскі палац, школу
і бібліятэку. Там 19 жніўня Папа сустрэне спачатку з маладамі законнікамі і законніцамі,
а затым з больш за 1 тыс. маладых універсітэцкіх выкладчыкаў і звернецца да іх з прамовай.
У гэты дзень Пантыфік сустрэнецца таксама з каралеўскай сям'ёй Іспаніі ў Палас дэла
Сарсуэла.
Вярнуўшыся ў Мадрыд, Святы Айцец сустрэнецца з групай маладых людзей
падчас позняй вячэры ў зале прыёмаў нунцыятуры. На 17.00 запланавана афіцыйная сустрэча
з сацыялістычным прэм'ер-міністрам Хосэ Луісам Радрыгесам Сапатэрай. А ўжо ў 19.30
пачнецца Крыжовы Шлях з моладдзю на Пласа дэ Сібэлес. Упершыню Святы Айцец правядзе
яго поўнасцю.
20 жніўня Бэнэдыкт XVI у 9 гадзін сустрэнецца з некалькімі маладымі
ўдзельнікамі Сусветных дзён моладзі падчас сакрамэнту споведзі. У катэдры Санта Марыя
дэ Альмудэна ўзначаліць св. Імшу для семінарыстаў. Пасля наведвання Інстытута Сан
Хасэ, у суботу вечарам Святы Айцец узначаліць вячэнюю вігілійную малітву на полі мадрыдскага
аэрапорта “Cuatro Vientos”.
Там адбудзецца і нядзельная заключная св. Імша
Сусветных дзён моладзі. Непасрэдна перад вылетам Папа сустрэнецца з валанцёрамі сусветнага
форуму. У 21.30 чакаецца прылёт Святога Айца ў рымскі аэрапорт “Campino”.