ЗША: хрысціяне – гэта лаўцы людзей, а не захавальнікі акварыўма
Распаўсюджанае меркаванне,
што католікі не чытаюць Біблію, спрабавалі абвернуць больш за 200 чалавек з усіх ЗША,
якія прынялі ўдзел у Міжнароднай канферэнцыі па даследаванні Бібліі. Большасць з іх,
гэта асобы, якія праводзяць незлічоныя гадзіны за чытаннем і вывучэннем Святога Пісання.
Трохдзённая
канферэнцыя, якая адбылася ў горадзе Шарлот у штаце Паўночная Караліна, сабрала мужчын
і жанчын усіх узростаў з больш чым 33 штатаў – некаторыя прыбылі нават з Гаваяў. Яны
сустрэліся, каб паразмаўляць аб Святым Пісанні, даведацца аб такіх пытаннях, як грэх,
спакуса і выгнанне нячыстай сілы, і стаць больш дасведчаным у апалагетыцы.
Гектар
Моліна, каталіцкі евангелізатар, з вопытам душпастырскага служэння 20 гадоў, звярнуў
увагу на важнасць прапаведавання Хрыста на ўзроўні грамадства, “амерыканскае грамадства
варожае да евангелізацыі”, сказаў ён. “Мы абмежаваны ў вызнаванні нашай веры. Але,
мы маем святы абавязак дзяліцца каштоўным дарам, які мы атрымалі, а менавіта, Езусам
Хрыстом”. На думку Моліны, чытанне і вывучэнне Святога Пісання дазваляе хрысціянам
быць “лаўцамі людзей, а не захавальнікамі акварыўма”.