Касцёл крытыкам СДМ: форум не будзе каштаваць іспанскага дзяржаве ні капейкі
Арцыбіскуп Браўліо
Радрыгес з іспанскага Таледа выступіў у абарону Сусветных дзён моладзі. Ён сказаў,
што Іспанія з'яўляецца свабоднай краінай, дзе католікі маюць права выказваць сваё
меркаванне. “Чаму вальнадумцы, атэісты і секулярысты павінны мець больш правоў, чым
іншыя?” - спытаў ён. “Варта адзначыць, што католікі, якія плацяць падаткі гэтак жа,
як і ўсе астатнія, складаюць пераважную большасць у Іспаніі”, - дадаў арцыбіскуп.
Каментар
арцыбіскупа стаў адказам на крытыку хрысціянскага характару Сусветных дзён моладзі
і пратэсты некаторых асяроддзяў супраць візіту папы Бэнэдыкт XVI у краіну.
Іерарх
асудзіў крытыкаў мерапрыемства за дэзінфармацыю грамадскасці, апошнія сцвярджаюць,
што мерапрыемства фінансуецца выключна дзяржавай. “Калі вам не падабаюцца Сусветныя
дні моладзі ці Папа, добра, але не абражайце нас і не кажыце рэчы, якія не адпавядаюць
рэчаіснасці”, - сказаў арцыбіскуп.
Іерарх таксама выступіў у абарону правоў
католікаў удзельнічаць “у падзеі, падчас якой кожны можа сказаць тое, што жадае сказаць”.
Ён паведаміў, што характар крытыкі ў адрас Сусветных дзён моладзі з'яўляецца беспрэцэдэнтным.
“Крытыка зайшла так далёка за рамкі прыстойнасці, як гэтага не было ніколі”, - сказаў
арцыбіскуп Радрыгес.
Прэзідэнт Каталіцкай лігі за грамадзянскія правы Біл
Донахью, адказваючы на нядаўнюю крытыку моладзевай сустрэчы, адзначыў, што Сусветныя
дні моладзі не будзе каштаваць іспанскага дзяржаве ні капейкі, і што наадварот маладыя
людзі, па заявах эканамістаў, прынясуць у хворую іспанскую эканоміку больш за 140
млн. долараў.