Më 14 gusht, Kisha Katolike kremton të dielën XX të vitit kishtar. Po në këtë
ditë përkujtohen shën Masimilian Kolbe, martir gjatë nazizmit, shën Alfredi, ipeshkëv
e shën Euzebi, romak.
Të hënën, 15 gusht, besimtarët katolikë kremtojnë
Zojën e Madhe, festën e të Ngjiturit të Shën Marisë Virgjër në qiell. Po në këtë ditë
kremtohen edhe shën Tarçizi, martir romak e shën Stanislao Kostka, jezuit.
Të
martën, më 16 gusht, kalendari kishtar përkujton shën Shtjefnin, mbret i Hungarisë
dhe shën Rrokun, shtegtar.
Më 17 gusht, ditën e mërkurë, festojmë shën
Euzebin, papë e martir, shën Kiarën e Montefalkos, abateshë agostiniane dhe shën Gjovanën
Delanù.
Të enjten, 18 gusht, Kisha Katolike përkujton shën Agapiton,
martir dhe shën Helenën, perandoreshë.
Më 19 gusht, të premten, kremtojmë
festën liturgjike të shën Gjonit Eudes, meshtar, themelues u Eudistëve, shën Sikstin
III, papë dhe shën Manjon, martir.
Më 20 gusht, ditën e shtunë, përkujtohen
shën Bernardi, abat e doktor i Kishës, shën Samueli, profet, shenjtja Maria de Matias,
virgjër, themeluese e Motrave Adhuruese të Gjakut të Krishtit.
E diela e ardhshme,
21 gusht, është e 21-ta e vitit kishtar. Në këtë ditë kremtojmë shën Piun X,
papë.