Канстантынопальскі Патрыярхат аптымістычна аб рэлігійнай палітыцы турэцкіх уладаў
У Канстантынопальскім
Патрыярхаце спадзяюцца, што адкрыццё багаслоўскай семінарыі на востраве Халкі будзе
спрыяць павелічэнню колькасці святароў у праваслаўных храмах на тэрыторыі Турцыі.
Канстанцінопальская
Царква адчувае востры недахоп святароў у Стамбуле і іншых гарадах Турцыі. Так у 60
праваслаўных храмах турэцкай сталіцы і яе наваколля працуе ўсяго 28 святароў. Вырашэнню
гэтай праблемы перашкаджаюць турэцкія законы, паводле якіх праваслаўныя святары і
настаўнікі павінны мець турэцкае грамадзянства. Вельмі негатыўна сказваецца таксама
адсутнасць у краіне навучальных устаноў для падрыхтоўкі святароў.
На думку
прадстаўнікоў Патрыярхату, аднаўленне дзейнасці семінарыі на востраве Халкі, зачыненай
у 1971 г. турэцкімі ўладамі, будзе садзейнічаць не толькі паляпшэнню падрыхтоўкі праваслаўных
святароў, але і ўмацаванню рэлігійнай свабоды ў Турцыі.
99% насельніцтва Турцыі
з'яўляюцца мусульманамі, праваслаўных налічваецца ўсяго 2,5 тыс. – гэта грэкі, якія
маюць турэцкае грамадзянства. Але краіна і яе сталіца займаюць асаблівае месца ў гісторыі
хрысціянства, таму сюды прыязджае вялікая колькасць пілігрымаў і турыстаў з усяго
свету.