Германія: першы ў краіне хрысціянска-юдэйскі дзіцячы садок
У германскай дыяцэзіі
Оснабрук адкрываецца першы ў краіне хрысціянска-юдэйскі дзіцячы садок, паведамляе
штотыднёвік дыяцэзіі. Дзіцячая ўстанова “Цар Давід” – сумесны праект дыяцэзіі Оснабрук,
гарадской яўрэйскай супольнасці і катэдральнай парафіі св. Пятра.
Група з 10
дзяцей розных узростаў і розных веравызнанняў будзе выхоўвацца ў рамках юдэйскіх і
хрысціянскіх традыцый. Пры гэтым будзе праходзіць працэс вывучэння абедзвух рэлігій.
Плануецца таксама сумеснае правядзенне хрысціянскіх і юдэйскіх святаў. Ежа ў дзіцячым
садку для ўсіх будзе кашэрнай. Група выхавацеляў складаецца з хрысціян і юдэяў.
“Цар
Давід” будзе размешчаны на тэрыторыі каталіцкага дзіцячага садка св. Барбары, які
належыць катэдральнай парафіі св. Пятра. Дзеці будуць сустракацца на пляцоўках для
гульняў і ўдзельнічаць у сумесных занятках.
Генеральны вікарый дыяцэзіі Оснабрук
кс. прэлат Тэа Паўль заявіў, што праект пакліканы для таго, каб з маленства вучыць
“з павагай і адкрыта” сустракаць прадстаўнікоў іншых рэлігій.