Ватыканскі банкір: эканамічны ўпадак ЗША гэтак жа перабольшаны, як і рост эканамічнай
моцы Кітая
Злучаныя Штаты – гэта
“не нацыя ў стане заняпаду”, заявіў кіраўнік Інстытуту рэлігійных спраў Апостальскай
Сталіцы, папулярна называнага Ватыканскім банкам, Этторэ Гоццы Тэдэскі. “Злучаныя
Штаты застаюцца самай тэхналагічна перадавой краінай у свеце, з самым высокім Валавым
унутраным прадуктам, які перавышае ў паўтара разы еўрапейскі, у чатыры разы кітайскі,
і ў дзесяць разоў італьянскі”, - напісаў доктар Тэдэскі ў “L'Osservatore Romano”.
Ён
пракаментаваў інфармацыю, якая з’явілася ў сярэдзіне мінулага тыдня аб глабальнай
фінансавай нявызначанасці эканомікі ЗША. На мінулым тыдні стала вядома, што Злучаныя
Штаты ўпершыню ў сваёй гісторыі, могуць апынуцца ў сітуацыі няздольнасці выплачваць
даўгі. Паводле Тэдэскі, той факт, што гэта інфармацыя была апублікавана, не гаворыць
аб знішчэнні ЗША, але, верагодна, прымусіць краіну быць больш сціплай і адкрытай для
супрацоўніцтва з Еўропай.
У доўгай і выбітнай кар'еры, 66-гадовы італьянскі
эканаміст зрабіў некалькі значных асягненняў у сферы бізнесу, банкаўскай і навуковай
дзейнасці. Ён стаіць на чале Інстытуту рэлігійных спраў з 2009 г. Тэдэскі выказаў
таксама меркаванне, што гаварыць пра эканамічны ўпадак ЗША гэтак жа памылкова, як
перабольшваць рост эканамічнай моцы Кітая. “ВУП вялікай азіяцкай нацыі не нашмат вышэй,
чым у адной толькі Германіі і павінен супрацьстаяць шэрагу нялёгкіх праблем”, - паведаміў
італьянскі эканаміст.
Рашэннем для пераадолення крызісу паводле Тэдэскі з’яўляецца
супольная скаардынаваная палітыка дзяржаў і інвестыцыя ў малыя і сэрэднія прадпрыемствы.
Нарэшце, ён прапанаваў, каб ўрады, якія ў цяперашні час не маюць пастаяннага эканамічнага
кансультацыйнага савета, які б складаўся з навукоўцаў і прамыслоўцаў, ўжо зараз думалі
аб стварэнні такога органа.