Бэнэдыкт XVI падкрэсліў духоўнае вымярэнне музыкі Вівальдзі і Баха
На духоўныя аспекты
твораў Антоніа Вівальдзі і Іагана Себасцьяна Баха звярнуў увагу ўчора вечарам Святы
Айцец, дзякуючы за канцэрт, падрыхтаваны з нагоды 60-годдзя свайго святарскага пасвячэння.
Творы вялікіх майстроў барока прадставілі ў Кастэль Гандольфа габаіст Альбрэхт Майер,
скрыпачка Арабэла Штайнбэхер і ансамбль “Новыя сезоны”, які складаецца музыкантаў
найвялікшых аркестраў свету.
Гаворачы аб музычнай структуры прадстаўленых прац
Вівальдзі, Святы Айцец падкрэсліў, што яна спрыяе таму, што гэтыя творы напоўнены
яснасцю і прыгажосцю, перадаюць радасць і лагоднасць. “Я думаю, гэта было звязана
таксама з яго верай. Вівальдзі быў каталіцкім святаром, верным брэвіярыю і практыкам
пабожнасці. Слуханне яго духоўнай музыкі паказвае глыбокую рэлігійную духоўнасць”,
- сказаў Папа. Менавіта гэта асаблівасць звязвае яго з лютэранінам, Іаганам Себасцьянам
Бахам, які захапляўся Вівальдзі, вывучаў і рабіў транскрыпцыі яго канцэртаў.
Бэнэдыкт
XVI нагадаў, што на рукапісах Баха заўсёды былі словы “Soli Deo Gloria” – толькі Богу
слава – якія з'яўляюцца цэнтральным элементам для разумення музыкі вялікага нямецкага
кампазітара. Асноўным элементам яго характару была глыбокая пабожнасць, а моцная вера
натхняла і падтрымлівала ўсё яго жыццё. Ён меў глыбока рэлігійную канцэпцыю мастацтва:
адданне хвалы Богу і адраджэнне чалавечага духу. Слухаючы яго музыку, ствараецца ўражанне,
што яна хоча выразіць поўную гармонію, якую Бог выявіў у сваім стварэнні. “Бах з’яўляецца
цудоўным “архітэктарам музыкі”, беспрэцэдэнтна выкарыстоўваючым контрапункт, архітэктарам,
якога вядзе смелае пачуццё геаметрыі, сімвал парадку і мудрасці, адлюстраванне Бога.
І такім чынам, чыстая рацыянальнасць становіцца музыкай у самым вялікім і чыстым сэнсе,
вялікай прыгажосцю”, - сказаў Святы Айцец.