DBR: nga Rumania do të jenë të pranishëm më se njëmijë të rinj
Të rinjtë rumunë tashmë janë gati për nisje: i pret Dita e tyre Botërore, i pret Madridi,
i presin qindra mijëra bashkëmoshatarë, nga të katër anët e botës. E është pikërisht
dëshira për ta jetuar së bashku këtë ditë, që i nxit kaq shumë të rinjtë, kryesisht
nga dioqezat romano-katolike të vendit e nga të pesë heparkitë greko–katolike, por
edhe nga realitete të tjera kishtare e jo. Do t’i shoqërojnë katër ipeshkvij e disa
priftërinj, rregulltarë e rregulltare, edhe ata, kryesisht të rinj. Janë përgatitur
ditë me radhë, e jo vetëm të rinjtë, që do të nisen drejt Madridit, por edhe ata,
që do të mbeten në Rumani, prej nga do ta ndjekin, me mjete e rrugë të ndryshme, Ditën
e tyre Botërore, me temë “Të rrënjosur e të bazuar në Krishtin, të fortë në fe”. Kanë
tashmë edhe kanalin e posaçëm në internet, me adresë , si dhe faqen e facebook në
gjuhën rumune, përmes së cilës të gjithë mund të mësojnë lajmet e fundit, për ngjarjen
më të re të kontinentit të vjetër, këto ditë të nxehta gushti, sepse ngjarje, e cila
përfshin gjakun më të ri, që rrjedh në damarët e mbarë botës.