Колькасць смяротных прысудаў, заснаваных на шарыяце, павялічылася
Як паведамляе італьянская
арганізацыя па правах чалавека, павялічылася колькасць смяротных прысудаў, якія з’яўляюцца
вынікам законаў шарыяту. Як адзначаецца ў дакладзе, прадстаўленым у чацвер арганізацыяй
пад назвай “Nessuno tocchi Caino”, у мінулым годзе 714 чалавек былі пакараныя смерцю
па ісламскіх законах. У 2009 г., такіх асоб было 658.
Смяротныя пакаранні выконваліся
праз павешанне, адсячэнне галавы ці растрэл. Пакаранне смерцю праз збіццё камянямі
ў 2010 г. не выкарыстоўвалася. У 24 з 47 пераважна ісламскіх краін смяротнае пакаранне
замацавана ў законе, гаворыцца ў дакладзе. У 18 з іх існуе простая спасылка на шарыят.
Агульная
колькасць пакаранняў смерцю, паводле “Nessuno tocchi Caino” вырасла ва ўсім свеце.
У той жа час, адзначаецца зніжэнне колькасці краін, якія ўжываюць вышэйшую меру пакарання.
Адпаведна з дакладам, колькасць вядомых смяротных пакаранняў ў 2010 г. была 5837,
больш, чым у 2009 г., калі такіх выпадкаў было 5735. Паводле ацэнак арганізацыі, толькі
ў Кітаі праводзіцца каля 5 тыс. пакаранняў смерцю ў год. Іран займае другое месца
ў гэтым сумным рэйтынгу. У Паўночнай Карэі, колькасць смяротных прысудаў павялічылася
ў тры разы: з 20 да 60.