Прэзідэнт Таджыкістана забараніў непаўналетнім наведваць храмы
Прэзідэнт Таджыкістана
Эмамалі Рахмон падпісаў законапраект “Аб адказнасці бацькоў за выхаванне і навучанне
дзяцей”, які забараняе непаўналетнім наведваць месцы рэлігійнага культу, - гаворыцца
ў паведамленні прэс-службы кіраўніка рэспублікі.
У пераліку абавязкаў бацькоў
у артыкуле 8 закона гаворыцца, што яны абавязаны “не дапускаць удзелу дзяцей у дзейнасці
рэлігійных аб'яднанняў, за выключэннем дзяцей, якія афіцыйна навучаюцца ў рэлігійных
установах”. Менавіта гэты аспект новага закона выклікаў абурэнне ў заходніх краінах
і ў праваабаронцаў. Улады рэспублікі тлумачаць свае дзеянні ростам узроўню экстрэмізму
ў рэспубліцы і неабходнасцю захаваць свецкі характар дзяржавы. Законапраект уступіць
у законную сілу, як толькі будзе апублікаваны ў афіцыйным друку.
Гэта не першая
ініцыятыва ўладаў у мэтах барацьбы з радыкальным ісламам. У Таджыкістане мясцовыя
імамы павінны выбіраць тэмы для пропаведзяў з зацверджанага ўладамі спісу. У кастрычніку
2010 г. быў абраны новы старшыня Савета ўлемаў, якім стаў былы кіраўнік аднаго з аддзелаў
Камітэта па справах рэлігій. Гэта абранне было ўспрынята як жаданне ўладаў кантраляваць
рэлігійныя пытанні ў рэспубліцы.
99% насельніцтва Таджыкістана вызнае іслам,
большасць – гэта суніты, але існуе вялікая дыяспара ісмаілітаў, шыіцкай галіны ісламу.