Кардынал Бёрк: развітыя грамадствы забіраюць права слухаць свайго сумлення
Кардынал Райманд Лео
Бёрк, прэфект Апостальскай Сігнатуры, вышэйшай судовай інстанцыі Апостальскай Сталіцы,
заявіў, што без рэлігіі ў грамадстве, палітычныя лідэры рызыкуюць парушаць асноўныя
правы грамадзян. “Усе краіны павінны гарантаваць свабоднае веравызнанне, якое накіравана
на абарону вучэння і практыкі рэлігійнай веры дзеля агульнага дабра”, - сказаў кардынал,
які прабывае з візітам у ЗША.
Іерарх заявіў, што “памылковае ўспрыманне” у
сучасным грамадстве маральнага закона, прывяло “да гэтак жа памылковага выключэння
з грамадскай дыскусіі пытанняў маральнага права і сумлення”. “У многіх, так званых,
развітых краінах, мы з'яўляемся сведкамі павелічэння тэндэнцыі адмаўлення грамадзянам
самага фундаментальнага права, права слухаць свайго сумлення, сфарміраванага на падставе
права розуму і навучання Касцёла”, - адзначыў кардынал Бёрк.
Іерарх звярнуў
увагу на палітычных лідэраў, якія называюць сябе католікамі, “але прымаюць заканадаўства,
якое парушае маральны закон”, што з’яўляецца недапушчальным, хоць сустракаецца вельмі
часта ў сучаснай палітыцы. Кардынал звярнуў увагу на пазітыўную службу, якую выконвае
вера ў палітычным жыцці, “таму, - падкрэсліў ён, - мы павінны заставацца яе непахіснымі
сведкамі, нават перад тварам абыякавасці і варожасці”.