ՏԵՐՍԻՄ.- Տերսիմի մէջ աւարտած է Մնձուրիի՝ բնութեան եւ մշակոյթի փառատօնը, որուն հանդիսաւոր
փակումը վստահուած էր հայրենասիրական եւ ազգագրական երգի «Մարաթուկ» խումբին: Փառատօնին
ներկայ եղած է ազգութեամբ քիւրտ երաժիշտ Միքայէլ Ասլան, որ երկու տարի առաջ Տերսիմ մեկնած
«Ակունք» ազգագրական խումբի անդամները 40 հազարի հասնող հանդիսատեսներուն ներկայացուցած
է իբրեւ Ցեղասպանութեան զոհ դարձած ազգի զաւակներ: Այս անգամ Միքայէլ Ասլան անպատրաստից
հայերէն եւ զազայերէն երգեր կատարած է՝ «Մարաթուկ»ի անդամ Արտաշէս Խաչատրեանի հետ: Մարաթուկցիները
շուտով պիտի վերադառնան Հայաստան: