Сірыйскі Патрыярх: палестынская дзяржава – ключ да міру
Стварэнне аўтаномнай
палестынскай дзяржавы, паводле сірыйскага Патрыярха Грыгорыюса II Лахама, з’яўляецца
ключавым крокам для вырашэння палітычных праблем на Блізкім Усходзе. На яго думку,
спрыянне гэтаму з боку Еўропы і ЗША магло б “стварыць атмасферу даверу” да заходніх
дзяржаў у арабскім свеце.
“Пытанне Ізраіль-Палестына не можа быць аддзелена
ад сітуацыі на Блізкім Усходзе”. Прызнанне палестынскай дзяржавы, таксама палепшыць
сітуацыю ў Лівіі, Егіпце і Сірыі, перакананы Мельхіцка-каталіцкі Патрыярх Антыёхіі.
Паводле
іерарха, насцярожвае сітуацыя ў Сірыі. Хоць хрысціянская меншасць у краіне ў выніку
баявых дзеянняў паміж арміяй і дэманстрантамі не церпіць, але: “мы пакутуем разам
з людзьмі: параненымі і загінуўшымі з абодвух бакоў”, - сказаў іерарх. Штодзённасць
вызначаецца страхам і няўпэўненасцю, адзначыў Патрыярх, які пражывае ў Дамаску. Магчымыя
санкцыі з боку міжнароднай супольнасці супраць сірыйскага рэжыму ён назваў “не канструктыўнымі”.
Словы
Мельхіцка-каталіцкага Патрыярха варта разглядаць на фоне вельмі складанай сітуацыі
хрысціян у Сірыі і ў іншых арабскіх краінах. Сірыйскія хрысціяне ў параўнанні з іншымі
краінамі на Блізкім Усходзе былі больш абаронены – нават улічваючы тое, што ў краіне
панавала па заходніх стандартах дыктатура. Паводле экспертаў, кожная рэвалюцыя прывядзе
толькі да пагаршэння становішча хрысціян у краіне. Суніты і шыіты, якія змагаюцца
за ўладу ў Сірыі, не маюць дзяржаўнай мадэлі, у якой ёсць рэальная свабода веравызнання.
Хрысціяне ў краінах з шыіцкім ці суніцкім кіраваннем з’яўляюцца грамадзянамі другога
гатунку.