Në Varshavë përfundoi takimi i presidencës polake të Bashkimit Evropian me Komisionin
e Episkopateve të Bashkimit Evropian (Comece).
Bashkëjetesa ndërmjet popujve, ndryshimet e vrullshme demografike e zija e bukës në
Afrikë: ishin këto temat kryesore, që u trajtuan në takimin e Varshavës, më 28 korrikun
e kaluar. Pjesëmarrës në takim, përfaqësuesit e Komisionit tëEpiskopateve
të Bashkimit Evropian dhe autoritetet e Polonisë, presidente turni e Bashkimit Evropian.
Argumenti i parë, që trajtoi Ministri polak i Punëve të Jashtme, Radoslav Sikorsi,
ishte partneriteti me vendet lindore, objektiv që duhet arritur duke dendësuar punën
për integrimin politik dhe ekonomik, në kuadrin më të gjerë të pajtimit ndërmjet popujve,
parë edhe në dritën e persekutimit të të krishterëve në shumë vende të botës. Lidhur
me këtë, Konferenca ipeshkvnore polake po përgatit një deklaratë pajtimi me Kishën
ortodokse ruse, ndërsa Comece është ftuar për të marrë pjesë, me cilësinë e vëzhguesit,
në Samitin II të partneritetit lindor, që do të mbahet në Varshavë, shtatorin e ardhshëm.
Përsa u përket ndryshimeve klimaterike, presidenca polake është impenjuar të përmirësojë
politikat familjare në kontinent – u theksua gjatë takimit – ku u vu në mënyrë të
posaçme theksi mbi pushimin e së dieles. Në këtë kuadër, Besëlidhja evropiane për
të Dielën mori nismën ta mbrojë ditën e pushimit të punëtorëve, duke i kushtuar vëmendje
të veçantë shëndetit të tyre dhe ekuilibrit familjar. Bashkimi Evropian, në përfundim,
aderoi në Vitin evropian të vullnetariatit, ndërsa lidhur me shkretimitn e mëtejshëm
të Bririt të Afrikës, paraqiti projektin “E diela e solidaritetit”, që do të organizohet
në Poloni, në bashkëpunim me Karitasin.