Kosovë: KFOR-i kërkon më shumë trupa pas tensioneve në pikat kufitare
“Dhuna është e papranueshme e zgjidhja e vetme është kthimi tek dialogu”, për këtë
Kfori “do të mbajë angazhimin e vet për rivendosjen e qetësisë” në zonën veriore të
Kosovës. Kështu pohoi zëdhënësi i Natos Carmen Romeno. Forcat e Natos në Kosovës
(Kfor) janë neutrale dhe rritja e numrit të trupave që është kërkuar sot, është vetëm
për arsye të “lëvizjeve taktike për planin e sigurisë”: kështu tha sot një zëdhënës
i Natos në Bruksel. “Kërkesa për forca më të mëdha nga ana e Kforit nuk është shenjë
e përshkallëzimit të dhunës në Kosovë”, shpjegoi zëdhënësi Carmen Romero, duke saktësuar
se si situata në terren është në “përmirësim e sipër”. Nato, shtoi ai, “nuk merr pjesë
në konfrontimin që po zhvillohet në Kosovë e mbretët neutrale”. KFOR i ka njoftuar
se situata në veri është relativisht e qetë, por ende e tensionuar. "Trupat e KFOR
it i kanë nën kontroll dy pikat e kalimit kufitar në Jarinje (Porta 1) dhe Bernjak
(Pika 31)", thuhet në komunikatën e KF0R-it. Ushtarët e KFOR i po patrullojnë dhe
kontrollojnë zonën e Zubin Potokut dhe vendet tjera në veri. Edhe policia e Kosovës
konfirmon se nata e mbrëmshme ishte e qetë dhe ka kaluar pa incidente. Në një deklaratë
të djeshme, KFOR-i konfirmoi ekzistencën e snajperave serbë dhe njerëzve të armatosur
në veri të Kosovës. Forca ushtarake për vendosjen e ligjit në Kosovë është shprehur
e vendosur për t’u ballafaquar me ta.